Londonning "Chelsi" klubi o‘ng qanot himoyachisi Ris Jeyms klublar jahon chempionati yarimfinalida "Fluminense"ga qarshi o‘yingacha jarohatidan tuzalishga ulguradi.
Ingliz futbolchisi 1/4 finalda "Palmeyras"ga qarshi uchrashuvda (2:1) "ko‘klar" safida asosiy tarkibda maydonga tushishi kerak edi, biroq o‘yinoldi mashg‘ulotida jarohatlanib, so‘nggi daqiqalarda safdan chiqdi. Jurnalist Ben Jeykobs Jeymsning ijtimoiy tarmoqlariga asoslanib xabar berishicha, jarohat uncha jiddiy emas - futbolchi bilan hamma narsa joyida, u keyingi uchrashuvda ishtirok etishi mumkin.
"Chelsi" 8 iyul seshanba kuni "Fluminense" bilan o‘ynaydi.
