"Fiorentina" jamoasining qanot himoyachisi Dodo o‘z faoliyatini "Milan"da davom ettirishi ehtimoli bor. Bu haqda jurnalist Sebastyano Sarno ma’lum qilmoqda.
Manba xabar berishicha, hozircha klublar o‘rtasida kelishuv yo‘q, biroq bugun o‘tkaziladigan muhim uchrashuv futbolchining "Milan"ga o‘tishini tezlashtirishi mumkin.
2024/25 yilgi mavsumda Dodo barcha musobaqalarni hisobga olganda 46 ta o‘yinda ishtirok etdi va 6 ta golli uzatma berdi.
26 yoshli braziliyalik futbolchining "Fiorentina" bilan amaldagi shartnomasi 2027 yilgacha mo‘ljallangan. Nufuzli Transfermarkt sayti ma’lumotlariga ko‘ra, himoyachining transfer narxi 24 million yevroni tashkil etadi.
