"Фиорентина" жамоасининг қанот ҳимоячиси Додо ўз фаолиятини "Милан"да давом эттириши эҳтимоли бор. Бу ҳақда журналист Себастьяно Сарно маълум қилмоқда.
Манба хабар беришича, ҳозирча клублар ўртасида келишув йўқ, бироқ бугун ўтказиладиган муҳим учрашув футболчининг "Милан"га ўтишини тезлаштириши мумкин.
2024/25 йилги мавсумда Додо барча мусобақаларни ҳисобга олганда 46 та ўйинда иштирок этди ва 6 та голли узатма берди.
26 ёшли бразилиялик футболчининг "Фиорентина" билан амалдаги шартномаси 2027 йилгача мўлжалланган. Нуфузли Transfermarkt сайти маълумотларига кўра, ҳимоячининг трансфер нархи 24 миллион еврони ташкил этади.
