"Yuventus" "Manchester Yunayted" vingeri Jeydon Sanchoni o‘z safiga qo‘shib olishi mumkin, deb xabar beradi Corriere dello Sport.
Manbaga ko‘ra, muzokaralar hal qiluvchi bosqichda. Avvaliga "Yunayted" 25 yoshli inglizni 30 mln yevroga baholagandi, endi 25 mln va bonuslar taklifini ko‘rib chiqishga tayyor.
Sanchoning "Manchester Yunayted" bilan shartnomasi 2026 yilning 30 iyuniga qadar amal qiladi va yana bir yilga uzaytirilishi mumkin.
Murabbiy Ruben Amorim "Yuventus" yarim himoyachisi Duglas Luisni yaxshi ko‘radi. Qo‘shimcha to‘lovlarsiz ayirboshlashning mumkin bo‘lgan varianti hali ham ko‘rib chiqilmoqda, ammo bu yagona variant emas. Yana biri - transfer uchun to‘liq to‘lov, jarayonni tezlashtirish uchun to‘lovni bir necha yilga bo‘lib-bo‘lib to‘lash mumkin.
"Yuventus"ning maqsadi Sanchoning iyul oyi o‘rtalariga qadar klubga o‘tishi va yozgi yig‘inda qatnasha olishidir.
O‘tgan mavsumda Jeydon klub miqyosida 41 ta o‘yinda 5 ta gol va 8 ta golli uzatmaga mualliflik qilgan.
