Superliga 15-turi doirasidagi «Dinamo» - «Nasaf» (2:2) uchrashuvidan keyin mehmonlar bosh murabbiyi Ro‘ziqul Berdiyev fikrlarini bildirdi.

«Bugun ikkita yetakchi jamoa maydonda o‘ynagani bilindi. Chunki uchrashuvda kurash ham bo‘ldi, o‘yinni tashkil qilish, sifat ham yaxshi bo‘ldi. Bugungi eng bahsli vaziyat VARni yo‘qligi bo‘ldi. Bunday o‘yinda VAR juda kerak edi, sababi VAR ko‘rib chiqadigan vaziyatlar bo‘ldi. Nima sababdan VAR bo‘lmagani ushbu bahsni bezmadi deyish mumkin. «Dinamo» to‘p bilan yaxshi harakat qiladi, o‘z muxlislari oldida yaxshi o‘yinlar ko‘rsatib kelmoqda. Biz birinchi bo‘limning o‘rtasidan keyin muvozanatni yo‘qotdik. Natijada ikkita gol o‘tkazdik. Ikkinchi bo‘limda g‘alaba uchun harakat qildik, afsuski durang bo‘ldi. Menimcha, durang natija bugungi bahsga mos bo‘ldi», - dedi Ro‘ziqul Berdiyev o‘yindan keyin.