"Nottingem Forest" himoyachisi Ola Ayna "o‘rmonchilar" bilan shartnomasini uzaytirdi. Futbolchining klub bilan yangi kelishuvi endi 2028 yilning yoziga qadar mo‘ljallangan.

O‘tgan mavsumda nigeriyalik futbolchi APLda 35 ta o‘yin o‘tkazib, 2 ta gol urdi va 1 ta golli uzatmani amalga oshirdi. Bu uning ingliz klubidagi ikkinchi mavsumi edi.

Eslatib o‘tamiz, "Nottingem Forest" o‘tgan futbol mavsumi yakuniga ko‘ra yettinchi o‘rinni egallagan edi. Bu Nunu Eshpiritu Santu jamoasiga keyingi mavsumda UYEFA Konferensiyalar ligasida o‘ynash huquqini berdi.