"Yuventus" yangi hujumchi bilan shartnoma imzolashdan oldin Dushan Vlaxovich bilan xayrlashishiga to‘g‘ri keladi.
"Keksa sinyora" rahbariyati yana bir forvardni taklif qilishdan manfaatdor, biroq klubda eng ko‘p maosh oluvchi futbolchi - Vlaxovich qolar ekan, u transferni amalga oshira olmaydi, deya xabar bermoqda jurnalist Janluka di Marsio. Serbiyalikning shartnomasi kelasi yilning yozida tugaydi va turinliklar iloji boricha tezroq yechim topish uchun qo‘llaridan kelganini qilishmoqda. Oxirgi chora - shartnomani bekor qilish ehtimoli o‘sishda davom etmoqda, chunki 25 yoshli futbolchiga hozirda bozorda qiziqish katta emas.
Eslatib o‘tamiz, yaqinda "Yuventus" safini erkin agent sifatida kelgan hujumchi Jonatan Devid to‘ldirdi.
