Madridning "Real" klubi hujumchisi Kilian Mbappe ovqatdan zaharlanib, klublar o‘rtasidagi jahon chempionati guruh bosqichining barcha o‘yinlarini o‘tkazib yubordi.
Zaharlanishga jamoa AQSHga jo‘nab ketishidan oldin futbolchi yegan tovuq go‘shtidagi bakteriya sabab bo‘lgan, deb yozadi L’Equipe. Kasallik tufayli 26 yoshli hujumchi 6 kg vazn yo‘qotdi.
Kilian Mbappe 1 iyul kuni "Yuventus"ga qarshi KO‘JCH 1/8 finalida zaxiradan maydonga tushdi. Oradan to‘rt kun o‘tib, futbolchi chorak finalda Dortmundning "Borussiya" klubiga qarshi o‘yinning ikkinchi bo‘limida maydonga tushdi va o‘yin oxirida gol ham urdi.
Bugun "Real" "PSJ" bilan final yo‘llanmasi uchun bahs olib boradi.













