Madridning "Atletiko" klubida Diyego Simeone murabbiylar shtabida ishlagan Luis Tevenet faoliyatini Braziliyada davom ettiradi.
51 yoshli mutaxassis "Botafogo"ning yangi bosh murabbiyi Davide Anchelotti murabbiylar shtabini to‘ldiradi. Rio-de-Janeyro klubi seshanba kuni italiyalik mutaxassisning tayinlanganini rasman e’lon qildi. "Botafogo"ga Karlo Anchelottining o‘g‘li bilan birga ilgari Simeonening yordamchisi bo‘lgan Tevenet ham keldi.
Davide Anchelotti ilk bor bosh murabbiy sifatida o‘zini sinab ko‘radi - bungacha u uzoq yillar davomida otasiga yordam bergan.
Luis Tevenet o‘tgan yildan beri "matraschilar"ning asosiy jamoasida texnik yordamchi bo‘lib ishlagan, bungacha esa uch yil davomida madridliklarning dublini boshqargan.
