Мадриднинг "Атлетико" клубида Диего Симеоне мураббийлар штабида ишлаган Луис Тевенет фаолиятини Бразилияда давом эттиради.
51 ёшли мутахассис "Ботафого"нинг янги бош мураббийи Давиде Анчелотти мураббийлар штабини тўлдиради. Рио-де-Жанейро клуби сешанба куни италиялик мутахассиснинг тайинланганини расман эълон қилди. "Ботафого"га Карло Анчелоттининг ўғли билан бирга илгари Симеоненинг ёрдамчиси бўлган Тевенет ҳам келди.
Давиде Анчелотти илк бор бош мураббий сифатида ўзини синаб кўради - бунгача у узоқ йиллар давомида отасига ёрдам берган.
Луис Тевенет ўтган йилдан бери "матрасчилар"нинг асосий жамоасида техник ёрдамчи бўлиб ишлаган, бунгача эса уч йил давомида мадридликларнинг дублини бошқарган.
