Saudiya Arabistoni vakillari Lionel Messini o‘z safiga qo‘shib olish uchun harakat qildi. Shunga qaramay, yulduz argentinalik futbolchi Yaqin Sharqqa bormaydi. 38 yoshli Messi "Inter Mayami" bilan shartnomasini uzaytirishga yaqin turibdi. Bu haqda taniqli jurnalist Sasha Tavolyeri ijtimoiy tarmoqlarda yozdi.
Qayd etilishicha, "Inter Mayami" tarkibini yaqin kelajakda Rodrigo de Paul to‘ldirishi kutilmoqda. Bu Messi klubi tomonidan berilgan va’da doirasida amalga oshadi. "Inter Mayami" tarkibni kuchaytirishga va’da berdi.
Lionel Messining "Inter Mayami" bilan amaldagi shartnomasi 2025 yil oxirigacha mo‘ljallangan. Argentinalik futbolchi ikki yildan buyon MLS klubida to‘p tepib kelmoqda.













