Londonning "Chelsi" klubi darvozaboni Jorje Petrovich faoliyatini "Bornmut"da davom ettirishi mumkin. Bunday ma’lumotlar bilan insayder Fabrisio Romano bo‘lishdi.
Manbaning yozishicha, "Bornmut" 25 yoshli serbiyalik futbolchining transferi bo‘yicha "Chelsi"ga rasmiy taklif bilan chiqqan. Futbolchining o‘zi transferga qiziqish bildirmoqda, ammo klublar hali o‘zaro kelishib olishi kerak. O‘tgan haftada "Sanderlend" "Chelsi" bilan kelishuvga erisha olmadi, shuning uchun endi "Bornmut"da transfer uchun juda yaxshi imkoniyat bor, deya ta’kidladi manba.
O‘tgan mavsumni Petrovich "Strasburg"da ijarada o‘tkazdi. Fransiya chempionatida darvozabon 31 ta o‘yin o‘tkazib, shundan o‘ntasida birorta ham gol o‘tkazmagan.
