Лондоннинг "Челси" клуби дарвозабони Жорже Петрович фаолиятини "Борнмут"да давом эттириши мумкин. Бундай маълумотлар билан инсайдер Фабрицио Романо бўлишди.
Манбанинг ёзишича, "Борнмут" 25 ёшли сербиялик футболчининг трансфери бўйича "Челси"га расмий таклиф билан чиққан. Футболчининг ўзи трансферга қизиқиш билдирмоқда, аммо клублар ҳали ўзаро келишиб олиши керак. Ўтган ҳафтада "Сандерленд" "Челси" билан келишувга эриша олмади, шунинг учун энди "Борнмут"да трансфер учун жуда яхши имконият бор, дея таъкидлади манба.
Ўтган мавсумни Петрович "Страсбург"да ижарада ўтказди. Франция чемпионатида дарвозабон 31 та ўйин ўтказиб, шундан ўнтасида бирорта ҳам гол ўтказмаган.
