"Neftchi" uchun Superliganing 15-turidagi “Xorazm”ga qarshi bo‘lib o‘tgan o‘yini birinchi davraning so‘nggi bahsi bo‘ldi.
Shu o‘yindan so‘ng jamoa a’zolari kichik ta’tilga chiqdilar.
Ikkinchi davraga tayyorgarlik uchun rejalar ishlab chiqilgan bo‘lib, Vitaliy Levchenko boshchiligidagi jamoa 15 iyuldan yozgi yig‘inga kirishadi.
Yig‘inlar davomida "Neftchi" nazorat uchrashuvlarida maydonga tushadi.
Shuningdek, 1 iyuldan boshlab yozgi transfer oynasi ochilgan va hozirda tarkibni kuchaytirish borasida futbolchilar bilan qizg‘in muzokaralar olib borilmoqda.
