Hujumchi Timo Verner va "RB Leypsig" butunlay xayrlashmoqda, garchi hujumchi o‘tgan mavsumni shundoq ham Angliyaning "Tottenxem" klubida o‘tkazgan bo‘lsa-da. Uning kamtarona natijalari nemis klubi rahbariyatini shartnomani uzaytirish zarurligiga ishontira olmadi va tomonlar butunlay ajralishga qaror qilishdi.
Bild nashrining aniqlik kiritishicha, Vernerning klub bilan amaldagi shartnomasi yana bir mavsumga mo‘ljallangan, ammo endi unga umid qilinmayapti. Verner hatto jamoaning mavsumoldi o‘rtoqlik o‘yinlariga ham taklif etilmadi.
O‘tmishda germaniyalik forvard juda istiqbolli futbolchi sanalgan va 2020 yil yozida Londonning "Chelsi" klubi uning uchun 53 million yevro to‘lagandi.
