Londonning "Arsenal" klubi shvesiyalik "Sporting" markaziy hujumchisi Viktor Dyokereshning transferi bo‘yicha muzokaralarni butunlay tugatishi mumkin. Bu haqda A Bola nashri jurnalistlari xabar bermoqda.

Manbaning xabariga ko‘ra, "kanonirlar" Portugaliya tomoni bilan kelisha olmayotgani uchun kelishuvdan voz kechishga tayyor. So‘nggi bir necha kun ichida klublar o‘rtasida hech qanday aloqa yo‘q. "Arsenal" skandinaviyalik uchun 65 million yevro va bonuslar taklif qildi, ammo "Sporting" ko‘proq pul olmoqchi.

O‘tgan mavsumda Dyokeresh Primeirada 33 ta o‘yin o‘tkazib, 39 ta gol urdi va 7 ta golli uzatmani amalga oshirdi.