“Leypsig” yarim himoyachisi Xavi Simons jarohat olgan Jamol Musiala o‘rniga “Bavariya”ga o‘tishi mumkin. Bu haqda The Athletic xabar berdi.

Manbaga ko‘ra, Myunxen klubi niderlandiyalik futbolchini sotib olish bo‘yicha muzokara o‘tkazgan. Simonsning o‘zi ham “Bavariya” libosini kiyishga qarshi emas.

Qolaversa, “Leypsig” kelgusi mavsumda yevrokuboklarda ishtirok etmaydi. Futbolchi esa xalqaro maydonda o‘ynashni xohlamoqda.

O‘tgan mavsumda Xavi Simons “buqalar” safida barcha turnirlar doirasida 32 ta o‘yin o‘tkazib, 11 ta gol urgan va 7 ta golli uzatmani amalga oshirgan.