“Лейпциг” ярим ҳимоячиси Хави Симонс жароҳат олган Жамол Мусиала ўрнига “Бавария”га ўтиши мумкин. Бу ҳақда The Athletic хабар берди.

Манбага кўра, Мюнхен клуби нидерландиялик футболчини сотиб олиш бўйича музокара ўтказган. Симонснинг ўзи ҳам “Бавария” либосини кийишга қарши эмас.

Қолаверса, “Лейпциг” келгуси мавсумда еврокубокларда иштирок этмайди. Футболчи эса халқаро майдонда ўйнашни хоҳламоқда.

Ўтган мавсумда Хави Симонс “буқалар” сафида барча турнирлар доирасида 32 та ўйин ўтказиб, 11 та гол урган ва 7 та голли узатмани амалга оширган.