O‘zbekiston terma jamoasi hujumchisi Eldor Shomurodov Turkiyaning “Istanbul Bashakshehir” klubiga o‘tganidan so‘ng, sobiq jamoasi “Roma” bilan xayrlashdi.
"Menga unutilmas xotiralar hadya etgan klub bilan xayrlashish vaqti keldi. "Roma" libosini kiyish sharaf edi - bu gollar, o‘yinlar va jamoadoshlarim, murabbiylar shtabi va ajoyib muxlislar bilan bo‘lgan maxsus daqiqalarga to‘la sayohat edi.
Maydondagi har bir daqiqa, nishonlagan har bir gol va buyuk murabbiylardan olgan har bir saboq uchun minnatdorman. “Roma” mening qalbimda doim alohida o‘rin tutadi – menga ishonganingiz va har daqiqada meni qo‘llab-quvvatlaganingiz uchun rahmat. Yangi bob boshlanmoqda, lekin bu xotiralar men bilan abadiy qoladi.
Hurmat va muhabbat bilan, Eldor Shomurodov", — deb yozdi Shomurodov.
Shomurodov 2021 yilning yozidan buyon “Roma”da o‘ynadi. 2024/2025 yilgi mavsumda 30 yoshli Eldor 37 ta o‘yinda maydonga tushib, 7 ta gol va 5 ta golli uzatmani amalga oshirdi.
