"Real Madrid" rahbariyati Vinisius Juniorni transfer qilish imkoniyatini ko‘rib chiqishga tayyor. Fichajes portali xabariga ko‘ra, klub braziliyalik hujumchini endi "tegib bo‘lmas" futbolchi deb hisoblamaydi va agar munosib mablag‘ olinsa, sotish bo‘yicha takliflarga ochiq.
Klub ichidagi bahslarga sabab Klublar o‘rtasidagi jahon chempionati yarim finalida "PSJ"dan uchralgan mag‘lubiyat (0:4) bo‘ldi. Manbaga ko‘ra, "Real Madrid" Vinisiusning boshqa hujumkor o‘yinchilar, jumladan Kilian Mbappe bilan o‘zaro munosabatlaridan norozi bo‘lgan. Jamoaning fikricha, futbolchi mavsumning muhim pallasida yetakchilik fazilatlarini namoyish eta olmadi.
2024/25 yilgi mavsumda Vinisius barcha turnirlarda 43 ta o‘yin o‘tkazib, 13 ta gol urdi va 7 ta golli uzatmani amalga oshirdi.
Potensial xaridorlar orasida Saudiya Arabistoni klublari ham bor, ular futbolchining o‘ziga ham, "Real"ga ham katta summa taklif qilishga tayyor. Vinisiusning Madrid klubi bilan shartnomasi 2027 yilning yoziga qadar tuzilgan va uning bozor qiymati 120 million yevroga baholangan.
