"Реал Мадрид" раҳбарияти Винисиус Жуниорни трансфер қилиш имкониятини кўриб чиқишга тайёр. Fichajes портали хабарига кўра, клуб бразилиялик ҳужумчини энди "тегиб бўлмас" футболчи деб ҳисобламайди ва агар муносиб маблағ олинса, сотиш бўйича таклифларга очиқ.
Клуб ичидаги баҳсларга сабаб Клублар ўртасидаги жаҳон чемпионати ярим финалида "ПСЖ"дан учралган мағлубият (0:4) бўлди. Манбага кўра, "Реал Мадрид" Винисиуснинг бошқа ҳужумкор ўйинчилар, жумладан Килиан Мбаппе билан ўзаро муносабатларидан норози бўлган. Жамоанинг фикрича, футболчи мавсумнинг муҳим палласида етакчилик фазилатларини намойиш эта олмади.
2024/25 йилги мавсумда Винисиус барча турнирларда 43 та ўйин ўтказиб, 13 та гол урди ва 7 та голли узатмани амалга оширди.
Потенциал харидорлар орасида Саудия Арабистони клублари ҳам бор, улар футболчининг ўзига ҳам, "Реал"га ҳам катта сумма таклиф қилишга тайёр. Винисиуснинг Мадрид клуби билан шартномаси 2027 йилнинг ёзига қадар тузилган ва унинг бозор қиймати 120 миллион еврога баҳоланган.
