"Napoli" hujumchisi Viktor Osimxen faoliyatini Turkiyada davom ettirishi mumkin.
Insayder Nikolo Skiraning ta’kidlashicha, bugun Osimxen transferi bo‘yicha "Napoli" va "Galatasaroy" o‘rtasida muzokaralarning yangi bosqichi o‘tkazilishi kutilmoqda. Ta’kidlanishicha, barcha tomonlar bitim bo‘yicha imkon qadar tezroq kelishuvga erishishga harakat qilmoqda.
Avvalroq, "Galatasaroy" Osimxen uchun 75 million yevro tovon puli to‘lashga tayyorligi, ammo "Napoli"ga ma’qul kelmayotgan to‘lovni bir necha yilga bo‘lib bermoqchi ekani haqida xabarlar tarqalgan edi.
