Jurnalist Janluka Di Marsioning xabar berishicha, "Kalyari" "Inter" bilan hujumchi Sebastyano Espozito transferi bo‘yicha kelishuvga yaqinlashdi.

Espozito o‘tgan mavsumda "Empoli"da ijara asosida to‘p tepgan bo‘lsa, bu yozda klublar o‘rtasidagi jahon chempionatida "Inter" safida o‘zini ko‘rsatish imkoniyatiga ega bo‘ldi va 4 ta o‘yinda maydonga tushdi.

Qayd etilishicha, "Kalyari" hujumchining 7 million yevrolik to‘laqonli transferi bo‘yicha kelishuvga erishishga juda yaqin turibdi.

Eslatib o‘tamiz, Esposito 2024/25 yilgi mavsumda "Empoli" safida barcha musobaqalarda 37 ta o‘yinda maydonga tushib, 10 ta gol va 2 ta golli uzatmaga mualliflik qilgan.