Lissabonning "Sporting" klubi hujumchisi Viktor Dyokeresh hamon Londonning "Arsenal" klubiga o‘tish niyatida.
"Kanonirlar" 27 yoshli futbolchi bilan hamkorlik shartlari bo‘yicha kelishuvga erishgan, ammo hali ham portugal klubini ko‘ndira olmagan. Muzokaralar oson kechmaydi, buning fonida OAVda Dyokereshni qo‘lga kiritishga tayyor bo‘lgan boshqa klublar haqida ma’lumotlar paydo bo‘ladi. Shunga qaramay, jurnalist Fabrisio Romanoning ma’lum qilishicha, shvesiyalikning o‘zi faqat "Arsenal"ga o‘tishni istaydi va tanlovini o‘zgartirmoqchi emas.
Shuningdek, Viktor Dyokereshga "Manchester Yunayted", "Yuventus" va boshqa ko‘plab klublar da’vogarlik qilayotgandi. Xabaringiz bor, futbolchi allaqachon "Sporting" safida boshqa o‘ynamaslikka qaror qilgan.













