"Chelsi" bosh murabbiyi Enso Mareska klublar o‘rtasidagi jahon chempionati finalida "PSJ"ga qarshi o‘yindan (3:0) keyingi taassurotlari bilan o‘rtoqlashdi.
"Futbolchilarga minnatdorchilik bildirish uchun menda boshqa so‘z yo‘q. Ular bunga loyiq edilar, ajoyib lahza. Menimcha, o‘yinning dastlabki o‘n daqiqasida g‘alaba qozondik. Biz tempni belgilashga muvaffaq bo‘ldik, juda yaxshi pressing qildik. Ob-havo sharoiti tufayli bunday ritmda davom etish qiyin edi, ammo jamoa buni uddaladi," - dedi Mareska DAZN bilan suhbatda.
