Farg‘onaning “Neftchi” klubi hujum chizig‘ini kuchaytirishda davom etmoqda.
Xabarlarga ko‘ra, klub Eronning “Istiqlol” jamoasida to‘p surayotgan Joel Kojo bilan kelishuvga erishgan.
Qirrg‘iziston terma jamoasi forvardi ijara asosida Superliga klubiga kelib qo‘shilmoqda.
Avvalroq “Neftchi” Silvanus Nimeli transferini ham yakunlagandi. Shuningdek, jamoada Zoran Marushich va Toma Tabatadze kabi hujumchilar bor.
Eslatib o‘tamiz, Kojo Samarqandning “Dinamo” klubida o‘ynagan va “Istiqlol”ga transfer qilingandi.
