"Liverpul" markaziy himoyachisi Ibraima Konate kelasi yilning yozida "Real"ga o‘tish g‘oyasini qo‘llab-quvvatlamoqda.
Fransuzning shartnomasi 2026 yil iyun oyi oxirida tugaydi, shuning uchun "qaymoqranglilar" uni erkin agent sifatida o‘z safiga qo‘shib olishi mumkin. "Qirollik klubi" aynan shuni amalga oshirmoqchi, Konatening o‘zi ham bunday rejani ma’qullamoqda, deb yozadi jurnalist Edu Agirre. 26 yoshli futbolchini bu ssenariy to‘liq qoniqtiradi.
Avvalroq, Ibraima Konate "Real"ga o‘tish niyati tufayli "Liverpul" bilan mehnat shartnomasini uzaytirishni istamagani haqida xabarlar tarqalgan edi. Shu yozda ham transfer bo‘lishi mumkinligi haqida gap-so‘zlar tarqalgandi.
