"Ливерпуль" марказий ҳимоячиси Ибраима Конате келаси йилнинг ёзида "Реал"га ўтиш ғоясини қўллаб-қувватламоқда.

Французнинг шартномаси 2026 йил июнь ойи охирида тугайди, шунинг учун "қаймоқранглилар" уни эркин агент сифатида ўз сафига қўшиб олиши мумкин. "Қироллик клуби" айнан шуни амалга оширмоқчи, Конатенинг ўзи ҳам бундай режани маъқулламоқда, деб ёзади журналист Эду Агирре. 26 ёшли футболчини бу сценарий тўлиқ қониқтиради.

Аввалроқ, Ибраима Конате "Реал"га ўтиш нияти туфайли "Ливерпуль" билан меҳнат шартномасини узайтиришни истамагани ҳақида хабарлар тарқалган эди. Шу ёзда ҳам трансфер бўлиши мумкинлиги ҳақида гап-сўзлар тарқалганди.