Madridning "Real" klubi yarim himoyachisi Dani Sebalyos "Betis"ga o‘tishi haqidagi savolga javob berdi. Avvalroq, Ispaniya poytaxti klubi futbolchini sotishga tayyorligi haqida xabarlar tarqalgan edi. Futbolchi Sevilya jamoasini o‘z uyi deb bilishini ta’kidladi.
"Kelajak haqida shu haftadan keyin gaplashamiz. Hozircha hech qanday uchrashuv bo‘lgani yo‘q. "Betis" mening uyim va har doim shunday bo‘lib qoladi. Umid qilamanki, eshiklar men uchun doimo ochiq bo‘ladi," - deya Sebalyosning so‘zlarini keltiradi AS.
Sebalyos 2011 yildan 2017 yilgacha "yashil-oqlar" tizimida o‘ynagan va barcha turnirlarda asosiy jamoa safida 105 ta o‘yin o‘tkazib, yettita gol urishga muvaffaq bo‘lgan. O‘tgan mavsumda 28 yoshli ispaniyalik futbolchi "Real" safida 44 marta maydonga tushib, 1 ta golli uzatmani amalga oshirdi.
