Мадриднинг "Реал" клуби ярим ҳимоячиси Дани Себальос "Бетис"га ўтиши ҳақидаги саволга жавоб берди. Аввалроқ, Испания пойтахти клуби футболчини сотишга тайёрлиги ҳақида хабарлар тарқалган эди. Футболчи Севилья жамоасини ўз уйи деб билишини таъкидлади.
"Келажак ҳақида шу ҳафтадан кейин гаплашамиз. Ҳозирча ҳеч қандай учрашув бўлгани йўқ. "Бетис" менинг уйим ва ҳар доим шундай бўлиб қолади. Умид қиламанки, эшиклар мен учун доимо очиқ бўлади," - дея Себальоснинг сўзларини келтиради AS.
Себальос 2011 йилдан 2017 йилгача "яшил-оқлар" тизимида ўйнаган ва барча турнирларда асосий жамоа сафида 105 та ўйин ўтказиб, еттита гол уришга муваффақ бўлган. Ўтган мавсумда 28 ёшли испаниялик футболчи "Реал" сафида 44 марта майдонга тушиб, 1 та голли узатмани амалга оширди.
