Ispaniyada Vinisiusning "Real"ni tark etishi klub uchun fojia bo‘lmaydi, deb hisoblamoqda.

Eslatib o‘tamiz, klubning futbolchi bilan yangi shartnoma bo‘yicha muzokaralari futbolchining moliyaviy sharoitlari tufayli qiyin kechmoqda.

"Vinisiusning ketishi ikki yil oldingi kabi dramatik deb hisoblanmaydi. Hozirgi vaziyatda Vinisiusning ketishi klub uchun omadsizlik bo‘lmasdi," - deb yozdi COPE jurnalisti Roberto Morales.

Uning fikricha, braziliyalik futbolchi ikki yil oldin o‘zini "Oltin to‘p" sohibi deb his qilgan va klubga o‘z shartlarini qo‘ygan.

Ammo hozir hammasi o‘zgargan: futbolchining o‘yinida yaqqol pasayish kuzatilmoqda, jamoaning yangi murabbiyi Xabi Alonso esa uni turli pozisiyalarda sinab ko‘rmoqda, bu esa futbolchiga yoqmayapti.