Brayan Mbemoning "Manchester Yunayted"ga transferi borasidagi muzokaralar boshi berk ko‘chaga kirib qoldi.
Avvalroq, "Brentford" "mankunianliklar"ning 62,5 million funt sterling miqdoridagi ikkinchi taklifini rad etgani, chunki ular 65 millionni olmoqchi bo‘lgani xabar qilingandi.
Endi "Brentford" bu summani deyarli 70 million funtga oshirdi, biroq "Manchester Yunayted" vinger uchun 65 milliondan ortiq to‘lamoqchi emas, deb yozadi The Guardian.
Pozisiyaning o‘zgarishi "MYU" xo‘jayini Jim Retkliff va sport direktori Jeyson Uilkoksning qarshiliklariga duch keldi, ular endi kelishuvni shoshiltirmoqchi emaslar. "Brentford" o‘z pozisiyasini mustahkam deb hisoblaydi, chunki futbolchining shartnomasi kelasi yozda tugaydi, ammo klubda uni bir yilga uzaytirish imkoniyati bor.
Endi, agar "Manchester Yunayted" o‘z taklifini oshirishga qaror qilsa, ular birinchi navbatda Markus Reshford, Alexandro Garnacho, Antoni, Jeydon Sancho yoki Tirell Malasiani sotishi yoki ijaraga berishlari kerak. "Manchester Yunayted"ning aytishicha, ularning hammasi jamoadan ketishni so‘rashgan, shuning uchun ular barcha takliflarni ko‘rib chiqishadi.
