“Kristal Pelas” hujumchisi Jan-Filipp Mateta “Milan”ga o‘tishi mumkin. Bu haqda L'Equipe xabar berdi.

Qayd etilishicha, 28 yoshli fransiyalik forvard Massimiliano Allegri qo‘l ostida ishlash iqtiqboli bilan qiziqadi.

London klubi Jan-Filipp transferidan 30 million yevro ishlab olmoqchi. Bu summa “rossonerilar”ni qo‘rqitmoqda.

Agar fransiyalik futbolchini qo‘lga kirita olmasa, “Milan” klubi “Yuventus”dan Dushan Vlaxovich yoki “Monako”dan Breel Emboloni sotib olishi mumkin. Monegasklar o‘z forvardini 15 million yevroga baholamoqda.

O‘tgan mavsumda Mateta APLda 37 ta o‘yin o‘tkazib, 14 ta gol va 2 ta golli uzatmani amalga oshirdi.