“Кристал Пэлас” ҳужумчиси Жан-Филипп Матета “Милан”га ўтиши мумкин. Бу ҳақда L'Equipe хабар берди.

Қайд этилишича, 28 ёшли франциялик форвард Массимилиано Аллегри қўл остида ишлаш иқтиқболи билан қизиқади.

Лондон клуби Жан-Филипп трансферидан 30 миллион евро ишлаб олмоқчи. Бу сумма “россонерилар”ни қўрқитмоқда.

Агар франциялик футболчини қўлга кирита олмаса, “Милан” клуби “Ювентус”дан Душан Влахович ёки “Монако”дан Бреел Эмболони сотиб олиши мумкин. Монегасклар ўз форвардини 15 миллион еврога баҳоламоқда.

Ўтган мавсумда Матета АПЛда 37 та ўйин ўтказиб, 14 та гол ва 2 та голли узатмани амалга оширди.