Markaziy hujumchi Alassan Plea 2018 yildan beri faoliyat olib borayotgan Myunxengladbaxning "Borussiya" klubini tark etdi. Bundan buyon fransuz Niderlandiyaning PSV jamoasida o‘ynaydi. Shartnoma uch yilga imzolangan va Eyndxoven klubi yoshi o‘tib qolgan futbolchi uchun "Borussiya"ga 3 mln yevro miqdorida kamtarona tovon puli to‘lagan.
Plea "Borussiya"ga yetti yil oldin, "Nissa"dan kelgan. Avvalroq uning faoliyatida "Oser" va "Lion" klublari bo‘lgan.
Transfermarkt portali PSVning yangi futbolchisini 5 mln yevroga baholamoqda. Kelgusi mavsumda Eyndxoven klubi yana Chempionlar ligasida o‘ynaydi, chunki u o‘tgan mavsumda Niderlandiya chempionatida g‘olib chiqqan edi.













