Xavyer Tebas "Real"ning taqvimdan shikoyatlari haqida gapirdi.

Avvalroq Ispaniya qirollik futbol federasiyasi Madrid klubining 1-tur doirasidagi "Osasuna"ga qarshi o‘yinni boshqa muddatga ko‘chirish haqidagi iltimosini rad etgandi. La Liga prezidenti Xavyer Tebas bu qarorni qo‘llab-quvvatladi.

"Biz allaqachon o‘z pozisiyamizni bildirdik: jamoa shartnomasida belgilangan qoidalarga ko‘ra, tiklanish uchun kunlar yetarli. Muammoni La Liga emas, bir tomonlama sanalarni belgilaydigan klublar o‘rtasidagi jahon chempionati kabi turnir keltirib chiqarmoqda. Hatto FIFPRO (o‘yinchilar kasaba uyushmasi) ham bundan shikoyat qilib bo‘lgan.

"PSJ" 13 avgust kuni UEFA Superkubogi uchun o‘ynaydi, Fransiya chempionati esa ular uchun 17 avgust kuni boshlanadi. "Chelsi" Premyer-ligani 17 avgustda, "Real" esa 19 avgustda boshlaydi. Menimcha, dam olish kunlari yetib ortadi. "Real" ega bo‘lgan tarkib va klublar chempionatidagi ishtiroki uchun olgan daromadlari bilan bir necha soat shikoyat uchun sabab bo‘lmasligi kerak," - dedi La Liga prezidenti.