"Barselona"ning sobiq futbolchisi Ivan Rakitich Mark-Andre ter Shtegen bilan bog‘liq vaziyat haqida gapirdi.

Avvalroq, Kataloniya klubi nemisga asosiy darvozabon sifatida ortiq ishonmayotgani haqida xabarlar tarqalgan edi.

"Men ter Shtegen bilan gaplashdim - u motivasiyaga to‘la va baxtli ko‘rinadi. Umid qilamanki, jarohat jiddiy emas va u tez orada qaytadi. Joan Garsiya va Ter Shtegen bilan hammasi oson. Ter Shtegen o‘ynaydi. U sardor va juda hurmatli o‘yinchi. "Barselona"ning barcha muammolari uch buyuk futbolchi orasidan birini tanlashda bo‘lishini istardim. Joan juda iste’dodli, lekin u o‘z o‘rniga loyiq bo‘lishi kerak. La Liga jamoasida o‘ynash boshqa, "Barselona"da birinchi raqamli bo‘lish boshqa. Men ter Shtegendan yaxshiroq darvozabonni ko‘rmayapman - Yevropada ham, dunyoda ham," - deya Rakitichning so‘zlarini keltiradi Goal.