"Barselona" "Liverpul" vingeri Luis Dias uchun ortiqcha pul to‘lashga tayyor emas.

Kolumbiyalik futbolchi uchun kurashda so‘nggi vaqtlardan beri "Bavariya" favorit hisoblanmoqda va kataloniyaliklarning 28 yoshli futbolchini o‘z safiga qo‘shib olish imkoniyati sezilarli darajada pasaygan. "Ko‘k-anorranglilar" Dias uchun kurashdan hali chiqib ketgani yo‘q, biroq transfer uchun 60 mln yevrodan ortiq to‘lamaydi, deya xabar bermoqda jurnalist Fernando Polo. La Liga grandi futbolchi uchun boshqa da’vogarlarning takliflarini "sindirishga" urinmaydi, klub allaqachon bozorda arzonroq variantlarni o‘rganmoqda.

Mish-mishlarga ko‘ra, Luis Dias "Bavariya"ga o‘tmoqchi, ammo myunxenliklar hali "Liverpul" bilan kelishuv shartlarini kelishib olishi kerak.