"Барселона" "Ливерпуль" вингери Луис Диас учун ортиқча пул тўлашга тайёр эмас.
Колумбиялик футболчи учун курашда сўнгги вақтлардан бери "Бавария" фаворит ҳисобланмоқда ва каталонияликларнинг 28 ёшли футболчини ўз сафига қўшиб олиш имконияти сезиларли даражада пасайган. "Кўк-анорранглилар" Диас учун курашдан ҳали чиқиб кетгани йўқ, бироқ трансфер учун 60 млн евродан ортиқ тўламайди, дея хабар бермоқда журналист Фернандо Поло. Ла Лига гранди футболчи учун бошқа даъвогарларнинг таклифларини "синдиришга" уринмайди, клуб аллақачон бозорда арзонроқ вариантларни ўрганмоқда.
Миш-мишларга кўра, Луис Диас "Бавария"га ўтмоқчи, аммо мюнхенликлар ҳали "Ливерпуль" билан келишув шартларини келишиб олиши керак.
