"Nottingem Forest" "Manchester Yunayted" qanot hujumchisi Jeydon Sanchoni "Nyukasl"ga o‘tgan vinger Entoni Elangaga o‘rinbosar sifatida ko‘rmoqda. Bu haqda The Sun xabar bermoqda.
Manbaga ko‘ra, "o‘rmonchilar" jamoasida 25 yoshli futbolchi yana o‘zining eng yaxshi formasini tiklay olishiga ishonishmoqda.
Sancho o‘tgan mavsum "Chelsi" safida ijara asosida to‘p tepgan edi. U barcha musobaqalarda 42 ta o‘yinda maydonga tushib, beshta gol va 10 ta golli uzatmani amalga oshirgan.













