"Nyukasl Yunayted" joriy transfer oynasida Aleksandr Isak bilan xayrlashishni rejalashtirmayapti, deb xabar beradi talkSPORT. Manbaga ko‘ra, "qarg‘alar" rahbariyati boshqa klublarning qiziqishini so‘ndirish maqsadida hujumchi uchun 173 mln yevrodan ortiq narx belgilagan.
Qayd etilishicha, "Liverpul" "Nyukasl"ga taxminan 139 mln yevrolik taklif bilan chiqqan, ammo rad javobini olgan. Avvalroq, matbuotda Saudiya Arabistonining "Al-Hilol" klubi forvard uchun kurashda mersisaydliklarni ortda qoldirishi mumkinligi haqida mish-mishlar tarqalgan edi, biroq Isakning o‘zi, manbalarga ko‘ra, faoliyatini aynan "Liverpul"da davom ettirishni istamoqda.
Shu bilan birga, "qizillar" allaqachon "Nyukasl"ning qiziqishlari doirasiga kirgan "Ayntraxt" futbolchisi Yugo Ekitike bilan shartnoma shartlarini kelishib olgan.
