"Ньюкасл Юнайтед" жорий трансфер ойнасида Александр Исак билан хайрлашишни режалаштирмаяпти, деб хабар беради talkSPORT. Манбага кўра, "қарғалар" раҳбарияти бошқа клубларнинг қизиқишини сўндириш мақсадида ҳужумчи учун 173 млн евродан ортиқ нарх белгилаган.
Қайд этилишича, "Ливерпуль" "Ньюкасл"га тахминан 139 млн евролик таклиф билан чиққан, аммо рад жавобини олган. Аввалроқ, матбуотда Саудия Арабистонининг "Ал-Ҳилол" клуби форвард учун курашда мерсисайдликларни ортда қолдириши мумкинлиги ҳақида миш-мишлар тарқалган эди, бироқ Исакнинг ўзи, манбаларга кўра, фаолиятини айнан "Ливерпуль"да давом эттиришни истамоқда.
Шу билан бирга, "қизиллар" аллақачон "Ньюкасл"нинг қизиқишлари доирасига кирган "Айнтрахт" футболчиси Юго Экитике билан шартнома шартларини келишиб олган.
