Madridning "Real" klubi sobiq futbolchisi Toni Kroos zamonaviy futbolda yarim himoyachi o‘rnining muhimligini ta’kidladi. Germaniyalik futbolchi bunga misol sifatida o‘tgan mavsumni deyarli to‘liq jarohat tufayli o‘tkazib yuborgan "Manchester Siti" o‘yinchisi Rodrini keltirdi. O‘sha mavsumda "shaharliklar" birorta ham sovrin qo‘lga kirita olishmadi.
"Yarim himoyachi o‘rni zamonaviy futbolda poydevor hisoblanadi, bunga shubha yo‘q. Rodrining jarohatlanishidan so‘ng "Manchester Siti"ga nima bo‘lganini ko‘ring.
Jamoada yaxshi yarim himoyachi yo‘qligini sezish oson. Ammo u mavjud bo‘lsa, bu tabiiy holatdek tuyuladi, go‘yo hamma narsa joyida, shunda hujumchilar o‘yin natijasini bemalol hal qila oladilar," - deya Kroosning so‘zlarini keltiradi El Pais.
