Мадриднинг "Реал" клуби собиқ футболчиси Тони Кроос замонавий футболда ярим ҳимоячи ўрнининг муҳимлигини таъкидлади. Германиялик футболчи бунга мисол сифатида ўтган мавсумни деярли тўлиқ жароҳат туфайли ўтказиб юборган "Манчестер Сити" ўйинчиси Родрини келтирди. Ўша мавсумда "шаҳарликлар" бирорта ҳам соврин қўлга кирита олишмади.
"Ярим ҳимоячи ўрни замонавий футболда пойдевор ҳисобланади, бунга шубҳа йўқ. Родрининг жароҳатланишидан сўнг "Манчестер Сити"га нима бўлганини кўринг.
Жамоада яхши ярим ҳимоячи йўқлигини сезиш осон. Аммо у мавжуд бўлса, бу табиий ҳолатдек туюлади, гўё ҳамма нарса жойида, шунда ҳужумчилар ўйин натижасини бемалол ҳал қила оладилар," - дея Крооснинг сўзларини келтиради El Pais.
