"Manchester Yunayted" yozgi transferlar oynasi yopilgunga qadar yana bir hujumchini o‘z safiga qo‘shib olmoqchi.
"Qizil iblislar" ko‘plab hujumchilarga qiziqish bildirgan, ammo hozirda klub short-listida "RB Leypsig"dan Benyamin Sheshko va "Chelsi"dan Nikolas Jekson bor, deb yozadi jurnalist Florian Plettenberg. Mankunliklar kimni tanlashidan qat’i nazar, bitim jiddiy xarajatlarni talab qilishi aniq.
Transfermarkt portali ekspertlari 22 yoshli Sheshkoning narxini 70 mln yevroga, 24 yoshli Jeksonning narxini esa 50 mln yevroga baholamoqda.













