A Seriya grandlari "Parma" markaziy himoyachisi Jovanni Leonining transferiga shubha bilan qarashmoqda.
"Inter", "Yuventus" va "Milan" 18 yoshli o‘sib kelayotgan yulduz uchun asosiy da’vogarlar sanaladi, ammo futbolchi top-klubga o‘tishdan oldin kutishi kerak.
La Stampa nashri xabariga ko‘ra, yuqorida tilga olingan uchta da’vogar shunday yosh va tajribasiz futbolchini qo‘lga kiritish uchun 35-40 million yevro sarmoya kiritishni noo‘rin, deb hisoblaydi. Bu "Parma" tomonidan belgilangan narx.
Transfermarkt portali Jovanni Leonining narxini 18 million yevroga baholamoqda. Markaz himoyachisi A Seriyada 17 ta o‘yin o‘tkazib, bitta gol urgan.
