Manuel Noyer va gandbolchi Anika Bissel to‘y marosimini o‘tkazishdi.
Bolzano Quotidiano xabar berishicha, nikoh marosimi o‘tgan shanba kuni Janubiy Tirolda bo‘lib o‘tdi. Tantana XIII asrda qurilgan o‘rta asrlar Froydenshteyn qal’asida nishonlandi.
Xabarlarga ko‘ra, to‘yda 150 ga yaqin mehmon qatnashgan, ular orasida Germaniya milliy terma jamoasining sobiq yarimhimoyachisi Mixael Ballak ham bo‘lgan.
Ta’kidlash joizki, 39 yoshli Noyer va 25 yoshli Anika Bissel 2023 yil noyabr oyida rasmiy nikohdan o‘tishgan edi. 2024 yil bahorida esa juftlik o‘g‘il farzandli bo‘ldi.
