"RB Leypsig" hujumkor yarim himoyachisi Xavi Simons bir qator Yevropa grandlariga qiziqish uyg‘otmoqda. So‘nggi kunlarda niderlandiyalik futbolchiga asosiy da’vogar sifatida "Chelsi" tilga olinmoqda, biroq futbolchining kelajagi mavhumligicha qolmoqda. Jurnalist Devid Ornshteynning ma’lum qilishicha, "Bavariya" Jamal Musiala jarohat olganidan keyin Simonsning atrofidagilar bilan aloqaga chiqqan, ammo "RB Leypsig" bilan muzokaralarni boshlamagan.
"Chelsi" 22 yoshli yulduzga jiddiy e’tibor qaratdi, ammo navbatdagi qimmatbaho transferni amalga oshirishdan oldin ular kimnidir sotishga majbur bo‘ladi. "Arsenal" ham Transfermarkt portali tomonidan 70 mln yevroga baholangan futbolchi uchun kurashdan chiqib ketmagan.
