"РБ Лейпциг" ҳужумкор ярим ҳимоячиси Хави Симонс бир қатор Европа грандларига қизиқиш уйғотмоқда. Сўнгги кунларда нидерландиялик футболчига асосий даъвогар сифатида "Челси" тилга олинмоқда, бироқ футболчининг келажаги мавҳумлигича қолмоқда. Журналист Девид Орнштейннинг маълум қилишича, "Бавария" Жамал Мусиала жароҳат олганидан кейин Симонснинг атрофидагилар билан алоқага чиққан, аммо "РБ Лейпциг" билан музокараларни бошламаган.
"Челси" 22 ёшли юлдузга жиддий эътибор қаратди, аммо навбатдаги қимматбаҳо трансферни амалга оширишдан олдин улар кимнидир сотишга мажбур бўлади. "Арсенал" ҳам Transfermarkt портали томонидан 70 млн еврога баҳоланган футболчи учун курашдан чиқиб кетмаган.













