"Chelsi" darvozaboni Robert Sanches jamoaning asosiy tarkibidagi o‘rnini saqlab qoladi. Ispaniyalik futbolchi so‘nggi mavsumdagi xatolari uchun tez-tez tanqid ostiga olindi va "ko‘klar" boshqa darvozabonlarga qiziqayotgani aytildi.

Biroq, jurnalist Rudi Galettining so‘zlariga ko‘ra, "Chelsi" yana Sanchesga ishonishga qaror qilgan. U yangi mavsumda "birinchi raqam" bo‘lib qoladi.

27 yoshli futbolchi yaqinda bo‘lib o‘tgan klublar o‘rtasidagi jahon chempionatida o‘zini ko‘rsatdi va “Oltin qo‘lqop” bilan taqdirlandi.